SUPER STAR 東方神起成員U-Know允浩發明超實用口罩成功申請專利!6年內已有兩項專利!

隊長U-Know允浩唔止Rap得、唱得、跳得,甚至仲發明新產品添!

最近韓網就有人發現有一款新型口罩,口罩上面有一個開口位,只要打開就可以插入飲筒,唔洗除口罩都飲到水。呢款「可開關口罩」目前已申請專利,顯示為「已接受」。而發明人同專利申請人之一竟然係東方神起嘅成員U-Know允浩!

原來U-Know允浩之前上節目就已經表示自己其中一個興趣就係發明。佢第一個發明係可以放入咖啡膠囊嘅雙重結構杯,已於2014年申請咗專利。短短6年,U-Know允浩已經有2項發明專利!

資料來源 : Holiday Jennifer, CtR